ఇది "బాలబంధు" బి.వి. శతజయంతి సంవత్సరం

ఇది "బాలబంధు" బి.వి. శతజయంతి సంవత్సరం 

తెలుగు విశ్వ విద్యాలయం  ప్రచురించిన ' 20 వ శతాబ్ది తెలుగు వెలుగులు ' - మొదటి భాగం లో నేను ర.తా గా (రమేష్ బాబు తాతా ) , బాలబంధు గురించి రాసిన చిరు వ్యాసం ఇక్కడ ఇస్తున్నాను .
ఇంకా వీరి గురించి 'గుడివాడ వైభవం, జ్ఞాపిక పుస్తకాలలో చిరు వ్యాసాలే కాక 'తెలుగు మణి దీపాలు' లో వీరి జీవిత సంగ్రహం  రాసాను.

'బాలబంధు' , వయసులో ఎంతో చిన్న అయిన నాతో,  ఎంతో సన్నిహితంగా మెలిగే వారు.  మా ఇంటికి వచ్చి , అడిగి మరీ భోజనం చేసేవారు. మా పిల్లలను ఆడించేవారు. నా అర్థాంగి 'జానకి' తో ,' అమ్మాయ్ , మీ అయన కత్తులు , కటారులు, విప్లవం, పొడుస్తా, తంతా అంటూ  కవిత్వం రాస్తాడు, కాస్త జాగ్రత్తగా వుండాలి' అంటూ నవ్వేవారు.
వీరు రాసిన వ్యాసాలు కొన్ని :
1. నవంబర్ 1976 లో వెలువడిన ' ఆంధ్ర ప్రదేశ్ దర్శిని ' లో 913 నుండి 917 పేజి వరకు ' బాల వాగ్మయం
2. జూన్ 1972 లో వెలువడిన 'త్రివేణి' లో 122 నుండి 130 పేజి వరకు 'బాల సాహిత్యం'
3. సెప్టెంబర్ 1972 లో వెలువడిన ' శోభన సంస్మృతి' లో 34 నుండి 36 పేజి వరకు 'చిరమైత్రి'
4. 1985 లో వెలువడిన 'చలం సాహిత్యావలోకనం' లో ముందు మాటగా ' నా తోచిన మాటలు'

'బాల బంధు' గారితో పరిచయం వున్నా వారందరూ, ఇక్కడ వారి అనుభవాలను పంచుకోవాలని కోరుతున్నాను.